प्रत्यक्ष कृतीशील शिक्षण, अनुभव, प्रयोग, मूलकेंद्रित विचार, तणावमुक्त वातावरण यासारखी तत्त्वे ज्ञानरचानावादाचा गाभा आहेत. नवे शैक्षणिक धोरण प्रत्यक्षात राबवण्यासाठी ‘ज्ञानरचनावाद’ कसा महत्वाचा आहे याविषयी या भागात आदिती ताईनी संवाद साधला आहे.

मुलाचं मानसिक स्वास्थ्य त्यांच्या शिकण्याच्या प्रक्रियेत अत्यंत महत्वाची भूमिका पार पाडतं. हे मानसिक स्वास्थ्य कसं जपावं, सर्वसाधारणपणे मुलांना कोणत्या समस्या जाणवतात आणि त्याचं निवारण कसं करता येतं याबाबतीत सायली ताईनी खूप सोप्प्या शब्दात या भागात समजावून सांगितलं आहे.

नृत्य, नाट्य, संगीत, ललित कला हे कलाप्रकार नेहमीच अभ्यासेतर उपक्रम म्हणून पहिले जातात. परंतु हे कलाप्रकार आपल्या मुख्य शिक्षणाचा भाग असणं का महत्वाचं आहे हा विचार वैभव सरांनी या भागातून मांडला आहे.

भाषा शिकणे ही प्रक्रिया लहानपणापासूनच आपल्या नकळत सुरु झालेली असते. ही अत्यंत मजेदार आणि नैसर्गिक प्रक्रिया आहे. मूल जेवढ्या नवीन भाषा शिकते तेवढा त्याच्या विचारांचा परीघ मोठा होत जातो. ह्या भाषाशिक्षणाच्या प्रक्रियेविषयी सुनीला ताईनी आपलं मत मांडलं आहे.