शिक्षणक्षेत्रात होणाऱ्या अनेक प्रयोगांपैकी ‘Home Schooling’ हा एक प्रयोग अनेक पालक करून पाहत आहेत. यामध्ये मुलांना शाळेत न पाठवता मुलं घरीच राहून शिकतात. मुलं त्यांची  आवड असणाऱ्या विविध विषयांमधील नवेनवे अनुभव घेतात, नवीन गोष्टी शिकतात. परंतु वयाप्रमाणे गरजेच्या संकल्पना आणि क्षमता मुलांनी पूर्ण करणं गरजेचं असत. तसेच मुलाला त्याच्या भावनिक गरजेनुसार गटामध्ये काम करण्याची देखील गरज असते. मुलाला जे करून बघायचं आहे त्याच्या संधी त्याला शोधता येतायत का? वयाप्रमाणे त्याच्या संकल्पना आणि क्षमता पूर्ण होत आहेत ना? त्याला गटामध्ये काम करायची संधी मिळते आहे का? त्याच्या समोर येणाऱ्या अडचणी तो कशाप्रकारे सोडवतो आहे? या गोष्टींकडे सतत लक्ष द्यावं लागतं. मूल जे उपक्रम करणार आहे त्याची रचना कशी असावी? त्याच्या कामाचं मूल्यमापन पालकांनी कस करावं? त्याला त्याच्या कामामध्ये मोकळीक कशी द्यावी? यांसारख्या अनेक प्रश्नांबाबत मार्गदर्शन करण्याचं काम स्वार्क या समुपदेशनातून करतं.